Benvenuto Marzo!

Sorgio e risorgio, ojccanno a Tatonno ‘o Vurpiciello
ancora è vivo e nun è muorto.

Signuri, je a tutti ve saluto!
Stammatina ‘a mugliera ‘e Marzo steva nu poco ‘ncullarata
e ll’ haggiu ditto: - Francè, mangia!-, -Nun bboglie mangià-
-E pecchè nun bbuò mangià?-, - Stongo nu poco scuntienta

pecchè stammatina chiuveva e mò è sciuto bontiempo!-

E già ca è sciuto bontiempo nce facimme sentì nuje
na parlata e ‘sti villane, ruzze, cafune, fetiente.
Signù, je songo Marzo e chilo bellu mese
capo d’ ‘a primavera so’ chiammato.
A mmè aspettano ‘sti villane, ruzze, cafune
pe’ se levà stracce, petacce e cauzuttune.

Je so’ nato cu ‘a mancanza ‘e luna
n’ora ve faccio ricco e n’ora ve faccio povero,
n’ora ve faccio asciutto e n’ora ve faccio ‘nfuso,
n’ora ve faccio bello n’ora ve faccio brutto.

Ma si je ‘ngrifo v’ ’a faccio levà pura ‘a cammisa
Si aggrogna, ve faccio cadè ‘ ddéte cu tutte ll’ogne.

Zappo e rizappo cu ‘sta mia zappella
e mangio pane e puorre e stongo sempe riuno.
Stongo contro ‘o pucuraro ‘e nufriese e ‘o viecchio scartellato
quanno ‘e cerevelle meje stanno ‘ncazzate.
Stongo contro a don Nicola ‘o Prevete ca patisce ‘a rogna
e a zi’ Vicienzo Quatt’ove ca patisce ‘o mmale francese.

Chesta è ‘a ricetta e tutto è cumpreso,
‘a putite spedì a qualunque farmacia d’ ‘o paese.

Signò, a Frevaro avite fatto ‘a culata?
E Marzo pazzo, cazzo v’ha seccata!

Arre!

estratto dalla "Ballata dei Dodici Mesi"